बंध प्रेमाचे

                             




मावळत्या सूर्याच्या तेजात, विरह वेदना भासतात|
श्यामवर्णी पृथ्वीच्या मनात, त्याच भावना दाटतात||
भेटीन प्रिये उद्या तुला, सूर्य म्हणतो जातांना |
अश्रू ओघळतात पृथ्वीचे, निरोप त्याला देतांना||
अश्रुपूर्ण नयनांनी ती, निरोप सूर्याला देते|
लवकर सरावी रात्र हि, प्रार्थना करू लागते||
बघता बघता पाहत होते,सूर्य पुन्हा येतो|
सहस्त्र किरणांनी पृथ्वीला, मिठीत घेऊ पाहतो||
कुणीही असो नर-नारायण,भावना एकच असतात|
तुम्हीच सांगा बंध प्रेमाचे,का कुणाला चुकतात???